Айнаш Есалидің күнделігі

“Қаншама адам көрдім – үстінде киімі жоқ, қаншама киім көрдім, ішінде – адамы жоқ”

ainash — Thu, 03 Jun 2010 07:04:06 +0000

Осы сөзді бір жерден оқып едім. Мұны айтқан қандай ғұлама екен? Адамсыз киімдер…

Алматыда Халықаралық опера және балет фестивалі өтіп жатыр. Әйгілі өнер жұлдыздары Алматыда жүр. Арасында атышулы Анастасия Волочкова бар. Операның әлемдік жаңа жұлдызы – Нетта Ор бикеш те келген.

Және Қазақстанда инвестициялық саммит өтуде. Бизнес алпауыттары Қазақстанда жүр. ”Бізге не береді?” деп отырмыз. Олар да “не аламыз ?”деп келген болар?!

Мемлекетте бір ғана байрақ болуы тиіс

ainash — Sat, 29 May 2010 11:21:43 +0000

Кеше ғана Алматыда өткен қазақтілді БАҚ-та медиа-технологияларды енгізуге қатысты семинар өтіп, онда кейбір кірме этностардың өз беттерінше,ту көтеріп, үй ішінен үй тігіп отырғаны айтылып еді. Бүгін “Егемен Қазақстан” газетінде “ТУДЫ КӨБЕЙТІП, ЖАМАН НЫШАН ШАҚЫРМАЙЫҚ” деген мақала жарық көрді. Арнаулы Парламент бетінде. Бірақ, мәселе тиіп-қашып, жұмсартылып көтерілген. Ол да дұрыс. Мұндай мәселелерді аттандап шешудің де қажет жоқ болар?!

Аршат – “Егеменнің” абыройы

ainash — Sat, 29 May 2010 08:56:06 +0000

Біздің газеттің сайтын жасап жүрген Аршат wordpress.com жүйесімен жұмыс істеудің қыр-сыры туралы дәріс жүргізді. Осы жігіт – біздің басылымның бағы. Ақтөбеден табылған маман. Аршаттың қолына “Егемен Қазақстан” газетінің сайты тигелі бері – ол көп жақсарды. Көңілден шығады!

“Ит” те емес, “күшік” те емес, “АЙҒҰЛАҚ” екен ғой

ainash — Sat, 29 May 2010 04:05:51 +0000

Кеше тұңғыш рет қазақтілді ақпарат тәжірибесіне жаңа медиа-технологияларды енгізу тәжірибесіне байланысты тренинг жүргенінен хабардарсыздар. Осы семинарда медиа-жаттықтырушы Асхат Еркімбайдың өзіміз ауызекі тілде атап кеткен ғаламтордағы “собачканы” “АЙҒҰЛАҚ” дегені құлағыма жылы тиді. Кірме сөздер құлаққа кіріп, сіңіп кеткенше уақыт керек, әйтпесе, тілімізде өріп жүрген талай атаулар ата-бабамыздан қалмаған ғой.

Асхаттың аузындағы қазақ үшін қотырлау көрінген (интернетке, компьютерге қатысты) талай сөздердің аудармасы әдемі естіледі. Бірден қабылдайсың. Неге? Негесі сол, ол осы сөздердің дұрыстығына өзі сенеді және оны сүйіп айтады. Ана тіліміздің сұлулығын Асхат сияқты азаматтар дәлелдей алады деген ойға келдім.

Мен бүгін блогымның кіндігін кестім

ainash — Fri, 28 May 2010 12:59:50 +0000

Бүгін Алматыда “Қазақ тілді ақпарат тәжірибесіне жаңа медиа-технологияларды енгізу” атты тренинг өтті. Бұл менің кәсіби өсуім үшін маңызды қадамның бірі болды деп есептеймін. Әлемді ақпараттық технологиялар билеп тұр. Ғаламтордағы қазақ контентінің дамуына әр қайсысымыз үлес қоспасақ, кім оны бізге жасап береді?

Бірден блог ашып кете алмадым. Ән нәрсеге алаңдап отырып, әріптестеріме ілесе алмай қалдым. Құдай жарылқағанда, Асхаттың төзімі бар екен, бізді алып қалып, қайта үйретті.

Мен үшін бұл күн - ғаламтордағы әлемімнің кіндігі кесілген күн.

Hello world!

ainash — Fri, 28 May 2010 12:43:00 +0000

Welcome to WordPress.com. This is your first post. Edit or delete it and start blogging!